OK ok ok ég veit ég er alveg ýkt löt að skrifa. Það væri nú verra ef allir færu nú að hringja................hmmmmm. Annars er Eydís og BALDUR DAÐASON búin að vera í heimsókn hjá okkur. Þau komu á föstudaginn og fóru í gær. Við fórum með þau í dýragarðinn hérna í Odense og eyddum þar heilum degi í rosa fallegu veðri. Sáum tígrisdýrin í nærmynd því þau voru ekki eins löt eins og þau eru í hitanum á sumrin. Ársól tók sér frí úr skólanum til þess að geta passað litla frænda, sem þvertekur fyrir það að hann sé lítill. Og maður má ekki kalla hann stubb né tralla, hann heitir BALDUR DAÐASON.

Í gær fórum við svo í Svanninge bakker sem er útivistasvæði nálægt Faaborg. Tókum snjóbelginn hennar Ársólar með og fundum frábærar brekkur til að renna okkur í. Geggjað. Fyrstu tvær ferðarnar voru brjálaðar fórum á fljúgandi siglingu en seinni ferðin endaði með því að við keyrðum á tré og belgurinn sprakk................fúlt en við þessu var svossum alveg að búast. En við létum þetta ekker trufla okkur og héldum áfram að renna okkur á sprungnum sleða. Var ekkert verri svoleiðis, nema það var aðeins harðara að sitja. Gummi tók smá sýningu fyrir fólkið, ákvað að gerast áhættuleikari........stóð á sprungna sleðanum og renndi sér niður brekkuna og ég er að tala um drengurinn náði svílíkri ferð og flaug svo á hausinn...........Ég var alveg viss um að hann væri brotinn á öllum en það er seigt í honum og hann stóð upp við mikinn fögnuð áhorfanda. Reyndi að bera sig vel en hann var nú ansi aumur í gærkvöldi. Þetta var sem sagt rosa vel heppnuð ferð þrátt fyrir allt.

Við erum líka hafin handa við að reisa húsið hennar Ársólar, búið að kaupa efnið og byrjað að slá upp......Ársól er líka búin að fá nýjan hamar en skilur nú ekkert hvað hún eigi að gera við hann þar sem pabbi hennar er farinn að bora húsið saman. Skrýtið!!

Skvísan er líka búin að græða eitt stykki rúm. Komin í flott dansk design rúm. RISA. eða það finnst henni allavega. Vorum að reyna að setja það saman í gær, náðist nú reyndar ekki en það verður haldið áfram í dag.

Jæja þá er það veðrið fyrir þig Pétur minn. Suðsuðaustan fjórir, hæg norðanátt, hvessir með kvöldinu, úrkoma í grennd......hvað segja þeir nú alltaf í veðurfréttunum..... en annars er frábært veður hjá okkur, snjór og blíða.